Vemana Satakam Telugu || vemana Poems || Vemana Padyalu in Telugu With bhavam PDF

Vemana Neethi Padyaalu in Telugu,Vemana Neethi Padyaalu juke box in Telugu at YouTube,Vemana Neethi Padyaalu in Telugu images,Vemana Neethi Padyaalu in Telugu text,Vemana Neethi Padyaalu in Telugu pdf free download,Vemana Neethi Padyaalu with bhavam in Telugu,Vemana Neethi Padyaalu in Telugu easy,Vemana Neethi Padyaalu in Telugu with english text 

Vemana Neethi Padyaalu

అణువులోన నుండు నఖిలజగంబులు

నణువు తనదులోన నణఁగియుండు

మనసు నిల్ప నరుఁడు మఱిముక్తిఁ జేరురా  

విశ్వదాభిరామ వినర వేమ!

అంకి లెఱిఁగి మాట లాడనేర్చినపుడె

పిన్న పెద్దతనము లెన్నలేల

పిన్న చేతిదివ్వె పెద్దగా వెలుఁగదా

విశ్వదాభిరామ వినర వేమ!

అంగమందు లింగ మతిశయంబునఁ గట్టి

లింగమందు ముక్తి నిలుపలేరు

ముక్తిలేక తుదను మూర్ఖుఁడై పోవురా

విశ్వదాభిరామ వినర వేమ!

అంగ మెల్ల వదలి, యటు దంతములు నూడి

తనువు ముదిమిచేతఁ దఱుచు వడక

ముప్పు తిప్పలఁ బడి మోహంబు విడువడు

విశ్వదాభిరామ వినర వేమ!

అంజనంబు కనుల కంటించిచూచిన

సొమ్ము దొరకు భువిని సూత్రముగను

గురుని నమ్మి కరుణ గుణమంటి చూడరా

విశ్వదాభిరామ వినురవేమ!

అంటుముట్టునెంచి యదలించి పడవైచి

దూరమందు చేరి దూరుచుంద్రు

పుట్టిచచ్చుజనులు పూర్ణంబు నెరుగరు

విశ్వదాభిరామ వినురవేమ!

అండములో నాకాశం

బుండంగాఁ జూడఁజూడ నొనరుఁగ దీనిపై

యుండును నన్నియుఁ దెలిసిన

మెండుగ నెటుచూచి చన్నమేలగు వేమా!

అండములను బుట్టు నలరు ప్రాణులు కొన్ని

బుద్బుదములఁ బుట్టుఁ బురుగు లెల్ల

స్వేదముననుబుట్టు జీవులు కొన్నిరా

విశ్వదాభిరామ వినర వేమ!

అండదప్పిన నరుఁడతిధార్మికునియిల్లు

చేరవలయు బ్రతుకఁజేయు నతఁడు

ఆ విభీషణునకు నతిగౌరవంబీడె

భూతలమున రామమూర్తి వేమ! 

అంత కొఱత దీఱి అతిశయకాముఁడై

నిన్ను నమ్మిచాల నిష్ఠతోడ

నిన్నుఁగొల్వ ముక్తి నిశ్చయముగఁ గల్గు

విశ్వదాభిరామ వినర వేమ!

అంతరంగమందు నభవు నుద్దేశించి

నిల్పి చూడఁదలఁపు నిలుచుఁగాక

బాహ్యమందు శివుని భావింప నిలుచునా

విశ్వదాభిరామ వినర వేమ!

అంతరాత్మఁ గనక యల్పబుద్ధులతోడ

మెలఁగునట్టి ద్విజులు మేదినందు

యమునినరకములకు నరుగంగ నది సాక్షి

విశ్వదాభిరామ వినర వేమ!

అందరాని పదము ఆ బ్రహ్మమందురు

పొందరానిదంచు భువినియండ్రు

గురుని కరుణ కలగ గూడి రాకేమౌనె

విశ్వదాభిరామ వినురవేమ!

అందు నిందుననక యన్నిటఁ బరికించి

విష్ణు వరయుచుండు విదితముగను

చక్రి తిరుగు భూమిచక్రంబులోపల

విశ్వదాభిరామ వినర వేమ!

అంధులైన వారు నందు నిం దనకుండు

నన్నితావులందు హరునివలెను

తెలియువారి కెల్ల దేవుఁడే కనుపించు

విశ్వదాభిరామ వినర వేమ!

అక్షమాలపూని అలసట చెందక

కుక్షినింపుకొనుట కొదువగాదు

పక్షికొంగరీతి పైచూపు లేదొకో

విశ్వదాభిరామ వినురవేమ!

అక్షరపుట మిట్టి యండంబులోఁ గూర్చి

యమరునొక్క రవము ననుభవించు

నతని కన్న ముక్తి యక్షరమై యుండు

విశ్వదాభిరామ వినర వేమ!

అక్షరపుటడవిఁ బొరలక

యక్షరమగు మహిగాన నవనిం దొలుతౌ

నక్షరమును జపియించిన

నక్షరమగు నదియు చాల నరయఁగ వేమా!

అక్షరపుటడవిఁజొర వే

లక్షలఁ జదువంగ నేల లాలితముగఁ బ్ర

త్యక్షముగను శివ యను రెం

డక్షరములు మనకి శుద్ధి యగురా వేమా!

అక్షరాసివెంట అడవులవెంటను

కొండ రాల గోడు గుడవనేల

హృదయమందు శివుడటుండుట తెలియరో

విశ్వదాభిరామ వినురవేమ!

అగ్ని చేతఁబట్టి యాపరమేశుని

నిండఁజేసి నరులు నీఱుగారె

దక్షుక్రతువులోని తల్లడ మెఱుఁగరా

విశ్వదాభిరామ వినర వేమ!

అగ్ని శిఖలయందు నమరంగ మమకార

మభవుమీఁద ధ్యాన మమర నునిచి

యాహుతి యగువెనుక హరున కర్పితమౌను

విశ్వదాభిరామ వినర వేమ!

అగ్నిబాణముచేత అంబుధింకినపుడె

రాముడవలి కేగులావుమరచె

వరుస కొండలమోసి వారధేటికికట్టె

విశ్వదాభిరామ వినురవేమ!

అచరచరసమూహ మంగము లింగము

సరణి దెలియనట్టి శైవమేల

అష్టతనువు లమర హరుఁడౌట నెఱుఁగరో

విశ్వదాభిరామ వినర వేమ!

అజ్ఞానమె శూద్రత్వము

సుజ్ఞానము బ్రహ్మమౌట శ్రుతులను వినరా

యజ్ఞాన ముడిగి వాల్మీకి

సుజ్ఞానపు బ్రహ్మమొందెఁ జూడర వేమా!

అట్టినికృష్టుని బ్రతు కగ్ని పాలైపోవు

నిర్ధయాత్మునిబ్రతుకు నీటగలియు

క్రూరకర్ముబ్రతుకు చోరులపాలౌను

విశ్వదాభిరామ వినురవేమ!

అడవి దిరుగ లేదు ఆకసమున లేదు

అవనిఁ దీర్థయాత్రలందు లేదు

ఒడలు సిద్ధిఁజేసి యొడయని జూడరా

విశ్వదాభిరామ వినర వేమ!

అడుగ దగువారి నడుగమి

నిడినయెడ¦ కొసరు చుంట యీలేననఁగా

గడుసుపడి యాసచేఁదా

నడుగుట దుర్మార్గవృత్తు లగురా వేమా!