Yogi Vemana Poems In Telugu || Vemana Padyalu Juke Box || maatalaadavacchu Padyam With Bhavam In Telugu

telugu vemana padyalu,yogi vemana padyalu in telugu,vemana padyalu in telugu language,vemana sukthulu in telugu images,vemana sukthulu in telugu,vemana padyalu images with text,vemana padyalu part 1,vemana padyalu in text,vemana padyalu in telugu with english meaning,vemana padyalu in telugu free download,neethi padyalu bavalu in telugu,telugu padyalu bavalu    

Vemana Satakam Lyrics in Telugu:

తలపులోన గలుగు దా దైవమే ప్రొద్దు

తలచి చూడనతకు తత్వమగును

వూఱకుండ నేర్వునుత్తమ యోగిరా

విశ్వదాభిరామ వినుర వేమ! || 1 ||

తన విరక్తి యనెడి దాసి చేతను జిక్కి

మిగిలి వెడలవేక మిణుకుచున్న

నరుడి కేడముక్తి వరలెడి చెప్పడీ

విశ్వదాభిరామ వినుర వేమ! || 2 ||

తనదు మనసుచేత దర్కించి జ్యోతిష

మెంత చేసే ననుచు నెంచి చూచు,

తన యదృష్టమంత దైవ మెఱుంగడా?

విశ్వదాభిరామ వినుర వేమ! || 3 ||

టీక వ్రాసినట్లేనేకులు పెద్దలు

లోకమందు జెప్పి మంచు

కాకులట్టి జనుల కానరీ మర్మము

విశ్వదాభిరామ వినుర వేమ! || 4 ||

ఙ్ఞానమెన్న గురువు ఙ్ఞానహైన్యము బుద్ధి

రెంటినందు రిమ్మరేచునపుడు

రిమ్మ తెలిపెనేని రెండొక రూపురా

విశ్వదాభిరామ వినుర వేమ! || 5 ||

జాణలమని యంద్రు చపలాత్ములగువారు

తెలివిలేక తమ్ముతెలియలేరు

కష్టమైన యడవి గాసీలుచున్నారు

విశ్వదాభిరామ వినుర వేమ! || 6 ||

జనన మరణములన స్వప్న సుషుప్తులు

జగములందు నెండ జగములుండు

నరుడు జగమునంట నడుబాటు కాదొకో

విశ్వదాభిరామ వినుర వేమ! || 7 ||

ఛాయననొసగుచెట్లు సాధువు బోధట్టు

లడగి దరినిజేరి పడయవచ్చు

నట్టునిట్టు దాటనది పోవునిది రామ

విశ్వదాభిరామ వినుర వేమ! || 8 ||

నరుడెయైన లేక నారాయణుండైన

తత్త్వబద్ధుడైన దరణి నరయ

మరణమున్నదనుచు మదిని నమ్మగవలె

విశ్వదాభిరామ వినుర వేమ! || 9 ||

ద్వారంబంధమునకు దలుపులు గడియలు

వలెనె నోటికొప్పుగల నియతులు

ధర్మమెరిగి పలుక ధన్యుండౌ భువిలోన

విశ్వదాభిరామ వినుర వేమ! || 10 ||

బ్రహ్మఘటము మేను ప్రాణంబు తగగాలి

మిత్రచంద్ర శిఖులు నేత్రచయము

మఱియు బ్రహ్మమనగ మహిమీద లేదయా

విశ్వదాభిరామ వినుర వేమ! || 11 ||

యోగిననుచు గొంత యోగముగూర్చక

జగమునెల్లబట్ట చంపి తినుచు

ధనము కొఱకు వాడు తగవాడుచుండిన

యోగికాడు వాడె యోగు వేమ! || 12 ||

అర్ధ యంకణమున కాధారమైనట్టి

యొంటిమేడ గుంజు నొనరనిల్పె

నింటికొక మగండె యిల్లాండ్రునేద్గురు

విశ్వదాభిరామ వినుర వేమ! || 13 ||

అన్నదానమునకు నధిక సంపదగల్గి

యమరలోక పూజ్యుడగును మీఱు

అన్నమగును బ్రహ్మమది కనలేరయా

విశ్వదాభిరామ వినుర వేమ! || 14 ||

బొంది యెవరి సొమ్ము పోషింపబలుమారు

ప్రాణ మెవరి సొమ్ము భక్తిసేయ,

ధనమదెవరిసొమ్ము ధర్మమె తన సొమ్ము

విశ్వదాభిరామ వినుర వేమ! || 15 ||

పండువలన బుట్టె బరగ ప్రపంచము

పండువలన బుట్టె పరము నిహము

పండు మేలెఱింగె బ్రహ్లాదుడిలలోన

విశ్వదాభిరామ వినుర వేమ! || 16 ||

తపమువేల? యరయ ధాత్రిజనులకెల్ల

నొనర శివుని జూడ నుపమ గలదు

మనసు చదరనీక మహిలోన జూడరా

విశ్వదాభిరామ వినుర వేమ! || 17 ||

తనగుణము తనకు నుండగ

నెనయంగా నోరుని గుణము నెంచును మదిలో

దన గుణము తెలియ కన్యుని

బనిగొని దూషించువాడు వ్యర్థుడు వేమ! || 18 ||

జాలినొందరాదు జవదాటి కనరాదు

అది మూలమైన ఆత్మమఱుగు

పోరిచేరి పొంది పూర్ణము నందురా

విశ్వదాభిరామ వినుర వేమ! || 19 ||